அழகைக் கொண்டே ஆளைக் கொல்கிறாய் - காதல் கவிதை

ஏனடி ! இப்படி அழகானாய் ?

அழகால் என்னைத் தின்கின்றாய்.

சொல்லடி அன்பே ஆருயிரே!

சாகவும் தோணுதே காதல் தானோ!

அரைநொடி வாழ்தால் கூட - உன் 

அரவணைப்பில் வாழ வேண்டும் .

அடுத்தநொடி இறந்தால் கூட - உன்

மடி மீது நான் சாக வேண்டும்.

பிரம்மன் செய்த பிழையோ- நீ

பெண்கள் கூட்டத்துத் தேவதையோ ! - என்

உயிரைக் குடிக்கும் மோகினியோ - பலர்

உயிரைக் காக்கும் தேவதையோ.

சிரிக்காமல் சிரிப்பது எப்படியோ! - என்னுயிரைக்

குடிக்காமல் குடிப்பது எப்படியோ!

அழுகின்ற பொழுது அணைத்திடடி - நான்

அணைக்கின்ற பொழுது அச்சம் தவிர்த்திடடி.

கிறுக்கன் என்னைக் கவிஞனாக்கினாய் ;

கவிஞர்கள் பலரைக் கிறுக்கனாக்கினாய்.

அழகைக் கொண்டே ஆளைக் கொல்கிறாய்;

அகிம்சைக் கொள்கை ஏற்க மறுக்கிறாய்.

முத்தம் கேட்டு முயன்றிடவில்லை -உன்னை

நித்தம் பார்க்க முறையிடவில்லை.

சத்தம் இன்றி நுழைந்தாயே - என்னை

நித்தம் நீயே வென்றாயே !